Mifumo ya Ujinaishaji ya Wameru: Uchunguzi Tarafani Mwimbi katika Jimbo la Tharaka Nithi, Kenya

Ikisiri

Lengo la utafiti lilikuwa kubainisha mifumo ya Wameru ya ujinaishaji. Uchunguzi ulifanywa Skatika tarafa ya Mwimbi katika jimbo la Tharaka Nithi nchini Kenya kwa ambavyo hakuna uchunguzi wowote umefanywa kufikia sasa kubainisha namna Wameru wanavyojinaisha watoto. Swali la utafiti katika uchunguzi huu lilikuwa: Wameru huzingatia mifumo gani katika ujinaishaji wa watoto? Majibu kwa swali hili yalibainisha namna Wameru walivyochagua majina waliyowapa watoto. Idadi ya wahojiwa sabini waliteuliwa wakijumlisha vijana hamsini na wazee ishirini kwa kuwa makundi hayo na idadi hiyo ingekuwa kiwakilisho tosha cha wakaazi wa Mwimbi kwa kujibu swali la utafiti na kutosheleza madhumuni yake pia. Mbinu ya mahojiano yenye muundo ilitumiwa ambapo kila mhojiwa aliulizwa swali lile lile lililoulizwa mwingine. Mbinu hii ilifaa utafiti huu kwa vile kila mhojiwa alikuwa na uhuru wa kujieleza kwa hivyo habari nzito na nyepesi ziliweza kupatikana kwa ajili ya kuchuzwa na mtafiti. Utafiti huu uliongozwa na nadharia ya Uchanganuzi Hakiki Usemi na Matini na hasa zaidi ulizingatia Mtazamo Usemi Kihistoria wa Ruth Wodak. Ilibainika kuwa Wameru huwa na mifumo minne mahsusi ya ujinaishaji mathalani: sifabia za mtoto na za ntaguye, kutumia majina ya Ukoo, majina ya Rika na majina ya Nyoni. Mtafiti alipendekeza wazazi wawashirikishe vijana katika uteuzi wa majina ya watoto ili kuepuka mwelekeo hasi kuhusu majina yao wanapokua. Mapitio ya maandishi yalidhihirisha kuwa uchunguzi wa aina hii haujafanywa katika eneo hili kwa hivyo matokeo yalikuwa ni kichocheo kwa watafiti wengine wa kiisimu ambao wangependa kutafiti kuhusu mifumo ya ujinaishaji ya makabila mengine