Uhakiki wa Mandhari katika Riwaya Teule za Kiswahili: Tumaini na Kala Tufaha

Ikisiri

Mandhari ni kipengele muhimu katika kufanikisha maudhui ya mwandishi. Kwa kawaida mandhari hushirikiana na vipengele vingine vya fani ili kufaulisha uwasilishaji wa maudhui yanayokusudiwa na msomaji. Utukiaji wa maswala katika jamii hufanyika katika sehemu mahususi yaani mandhari, vivyo hivyo kazi za kifasihi nazo hufuata mkondo uo huo kwa sababu fasihi hupata malighafi yake katika mazingira ya mtunzi. Mtunzi wa kazi ya fasihi ana uwezo wa kutumia mandhari halisi au mandhari ya kufikirika katika mchakato mzima wa kuwasilisha maudhui yake. Utafiti huu hivyo basi, ulilenga kuchunguza jinsi mandhari yanavyotumika kukuza maudhui katika riwaya ya Clara Momanyi Tumaini (2006) na Babu Omar Kala Tufaha (2007). Ili kutimiza lengo hili, Nadharia ya Uhalisia ilitumika.Nadharia hii iliasisiwa na Hegel. Waitifaki wa Nadharia hii ni George Lukas (1972) na wengine.Utafiti huu ulikuwa wa kimaelezo na ulifanyika katika maktaba. Sampuli ilichaguliwa kwa njia ya kimakusudi kwa kulenga riwaya maalum. Baadaye data ilichanganuliwa kwa njia ya kimaelezo kwa mujibu wa mihimili ya Nadharia ya Uhalisia pamoja na lengo la utafiti huu ambalo ni; kutathmini mchango wa mandhari katika kukuza maudhui katika riwaya teule